Wir berichten in Deutsch über die internatione Sprache Esperanto in Schleswig-Holstein und in Esperanto über unser Bundesland.

Menu
P

Aktuale

14.12.2019: Zamenhoffesto en Berlin

La esperantistoj en Berlin invitas ĉiujn al agrabla kunestado dum la ĉi-jara Zamenhoffesto kaj librofesto:

Loko: Kiezspinne - Oranĝerio, Schulze-Boysen-Straße 38, D-10365 Berlin
Tempo: Sabate, la 14an de decembro 2019, 15a ĝis 19a horo (preparado ekde la 14a horo por helpemuloj)

Programo (ŝanĝoj eblas):

  • Malfermo
  • Festprelegeto „Esperanto-stacio“ en Halbe
  • Salutvortoj de gastoj
  • Prezentado de interesaj libroj
  • Koncerto de Birke kaj Bertilo kaj Alena el Usono
  • Halinka kantigas!

Dum la tuta tempo de la aranĝo estos libroservo kaj ekspozicio „10 jaroj Zamenhofparko”.

Do, venu amase kaj ĝuu internacian kaj neforgeseblan etoson, pligrandigu vian librotrezoron kaj ĝojigu vian stomakon per porokazaj frandaĵoj aŭ simple babilu kun malnovaj kaj novaj amikoj aŭ havu ideojn por kristnaskaj donacoj!

Se vi deziras aldoni specialaĵojn al la manĝotablo (kukoj, kuketoj … estas ofertitaj), bv. kuraĝi! Por ŝatantoj de aliaj manĝaĵoj la kuireja giĉeto malfermiĝos.

Ne estas oficiala partoprenkotizo, sed ni petas mondonacojn („almozkesto“ troviĝas ĉe la enirejo)

Ni vidos nin en Berlino,

Ĝis tiam

Ronaldo

prez. ELBB (https://esperanto.berlin/de/)


15.12.2019: Zamenhoftago en Garding (Ŝlesvig-Holstinio)

La Esperantistoj festas la 15an de decembro kiel Zamenhof-tagon, ĉi-jare en Garding sur la duoninsulo Eiderstedt en Norda Frisio. Pro tio ni invitas ĉiujn, kiuj ŝatas festi kune kun ni. Planitaj estas komuna manĝetado, trinkado kaj babilado. Se vi havas pluajn ideojn, ne hezitu proponi tiujn.

La festo komenciĝos ĉirkaŭ la 14a horo, fino nedifinita. Bonvolu anonci vian partoprenon ĝis la 9a de decembro. Pliajn informojn vi povas peti per ret-poŝto de esperanto-nord(ĉe)web.de.